MARKANAN DESMASKARA
Tempu ku mi tabata mucha, mi mama i tata tabata tur kos pa mi. Nan tabata duna mi siguridat. Ora ku mi pensa riba mi mama i tata mi emoshon ta yena. Kasi mi por saka mi man mishi ku mi mama su kútis fini koló di mespel. Mi mama, haltu i elegante banda di mi tata kende tabatin bon tipo. Den bista di hopi un pareha prominente i ku klase. Mi mama tabata bula bai Miami por lo ménos kuater bia pa ana pa kumpra pananan bunita, di kalidat i na moda pa 12 bende i naturalmente tambe pa nos mes bisti. Mi no por korda ni un momento ku mi mama no tabata asina! Mi mama tabata esun ku mi tabata bai tur kaminda kuné. Mi tabata un ekstenshon di mi mama. Kaminda mi mama ta, ami ta. Sea ta botika of Mensing's Caminada, mi tabata serka dje. Maske nos bai pa kumpra un kos so, nos ta sali ku mas. Mi tabata bras'é, wak e ku wowo lif te ora e kai na mi pena. Di otro un banda mi mama tabata stren i tabata suta nos ora tabatin mester. Mi tata nunka tabata rabia ku nos. Te kaminda mi ta korda, ta un bia so el a straf mi, pa despues e mes t'esun ku ta bin puntra si mi ta oké i ta trese kos dushi den kamber pa mi. E ta esun ku tabata hiba i trese nos den su outo nechi, yen di
stail. E tabata muskuloso, gusta bisti bon i yama atenshon. E tabata mi héroe i mi tabata gusta broma kuné! Tur dos mi mayornan tabatin bon smak pa tur loke ta bunita, ku klase.
kolonianan europeo ku ta hole dushi,
13
pues nan tabata biba bon.
Kiko ku mi tabatin mester di dje mi
tabata hana; manera pana, kets, sapatu,
kos di hunga i mi kos preferí...Barbi.
Mi tabata gusta hunga ku popchi mashá.
Pa mi kumpleano, pa Pasku of pa kualke
otro okashon ku un hende puntrá mi
kiko mi ke, mi kontesta standart tabata
un Barbi of algu pa mi por hunga ku e
Barbi. Mi tabatin kushina, outo, kabai,
Ken, kama...tur spesial di 'Mattel', ku ta
e marka di Barbi. Mi a krea un mundu
di Barbi den mi kamber bou di mi büró,
einan tur loke mi tabata mira den bida
real mi tabata usa mi imaginashon pa
krea esaki meskos pa mi Barbinan. Pues
mi tabata krea un mundu ideal pa nan.
E mundu di pafó mi ker a trese bek
den mi kamber i inkorporá tur esaki den
mi mundu di fantasia. Un mundu ku no ta
eksistí. E mundu ku ami tin den mi kabes.
Kaminda tur kos ta perfekto! Ami ta krea
mi mundu di fantasia, kaminda nada malu
no ta pasa ku hende. Den mi mundu di
fantasia semper tin un bon final. Einan
14
malu no ta eksistí i mi tabata mira tur
kos dor di un brel ros. Ros, pasobra mi
tabata gusta koló ros i tur mi kosnan di
Barbi tambe tabata ros. Tur mi kosnan
mester tin ros den nan. Mi kamber tabata
ros i blanku. Pa mi e koló ros tabata
representá; mucha muhé lif.
Den mi kamber kaminda ku mi tabata
pasa hopi tempu, mi por a keda oranan
ta biba den mi mes mundu di fantasia.
Mi mihó amigu, kende tabata mi bisina,
tabata bin hunga serka mi i e tabatin mag
di hunga ku Ken; e kasá di Barbi. Nos no
tabata kansa di hunga, nos tabata fasiná
ku tur e weganan, ma e ora si tabata pasa
muchu lihé. Pero asina ku e stem fuerte
di mi yaya resoná den kas pa mi amigu
bai su kas, wega a kaba mesora. Ora
Yaya papia tur hende ta tende! E tabatin
un stem manera e kampana ku nan ta
bati ora ku tumba ta dal den e temporada
di karnaval. Mi yaya ta puntra mi amigu
semper si e no tin kas!
Den nos kas nos tabatin un total
di kuater kamber, kada un ku su bano.
